10, 11, மற்றும்12 ஆம் வகுப்புகளுக்கு பிப்ரவரியில் பள்ளிகள் திறப்பா?

 

10, 11, மற்றும் 12 ஆம் வகுப்புகளுக்கு பிப்ரவரியில் பள்ளிகள் திறப்பா?.அமைச்சர் அன்பில் மகேஷ் பொய்யாமொழி பேட்டி. 

சென்னை திருவல்லிக்கேணியில் பள்ளிக்கல்வித்துறை அமைச்சர் அன்பில் மகேஷ் பொய்யாமொழி செய்தியாளர்களை சந்தித்தார், பிப்ரவரி 1-ஆம் தேதி முதல் 10 11 மற்றும் 12 ஆம் வகுப்பு மாணவர்களுக்கு பள்ளி திறப்பது குறித்து அரசிடம் பள்ளிக்கல்வித்துறையின் சார்பாக பரிந்துரை செய்யப்பட்டுள்ளதாக தெரிவித்தார், கொரோனா குறைந்தால் பள்ளிகளை திறக்க வேண்டும் என்று முதல்வரிடம் கோரிக்கை வைத்துள்ளதாக தெரிவித்தார் .

பிப்ரவரி 1 ஆம் தேதி முதல் பள்ளிகள் திறக்கப்பட்டால் 1 திருப்புதல் தேர்வு நடைபெறும் என்று கூறினார். பொதுத்தேர்வு எழுதும் மாணவர்களுக்கு  வினாத்தாள் வடிவமைப்பில் எந்த மாற்றமும் இருக்காது . மற்றும் 10 ,11 மற்றும் 12ஆம் வகுப்பு மாணவர்களுக்கு பிப்ரவரி 1-ஆம் தேதி முதல் நேரடி வகுப்புகள் நடத்த கோரிக்கை வைக்கப் பட்டுள்ளதாகவும் ஒன்று முதல் எட்டாம் வகுப்பு வரை பயிலும் மாணவர்களுக்கு இல்லம் தேடி கல்வி மூலம் வகுப்புகள் நடைபெற்று வருவதாகவும் தெரிவித்தார். நீட் தேர்வுக்கான பயிற்சிகள் அந்தந்த மாவட்டங்களில் High-Tech Lab வழியாக வழங்கப்பட்டு வருவதாக தெரிவித்தார்.

அரசுப் பள்ளிகள் என்பது "வறுமையின் அடையாளமாக இல்லாமல் பெருமையின் அடையாளமாக இருக்கும்" வகையில் அரசு பள்ளிகளை தரம் உயர்த்துவதற்கு அனைத்து முயற்சிகளும் செய்யப்பட்டு வருவதாக தெரிவித்தார்.

நீட் தேர்வில் இருந்து விலக்கு பெறுவதில் உறுதியாக உள்ளதாக கூறினார்.மற்றும் இரு மொழிக் கொள்கையில்  தமிழக அரசு உறுதியாக உள்ளதாகவும் தெரிவித்துள்ளார்.      

ஆசிரியர்கள் , தங்களின் பள்ளி மாணவர்களுக்காக தயாரிக்கும் படைப்புகளை, தமிழகத்தில் உள்ள அனைத்து பள்ளி மாணவர்களுக்கும் பயன்படும் விதமாக , எங்களின் வலைத்தளத்தில் நீங்கள் பகிர விரும்பினால் [email protected] என்ற Email முகவரிக்கோ அல்லது (Whatsapp , Telegram & Signal) 9385336929 என்ற எண்ணுக்கோ அனுப்பலாம். நீங்கள் விரும்பினால் உங்களின் பெயர், பள்ளி முகவரியுடன் அனுப்பலாம் . நமது வலைத்தளத்தில் உங்களின் சொந்த படைப்புகள் உங்களின் பெயருடன் பதிவேற்றம் செய்யப்படும் .